शेतकरी कर्जात, जनता बेरोजगार – तरीही सरकार ‘कर्जावरचं उत्सव!'

 उद्धवांचा सरकारवर प्रहार – ‘कर्ज काढून दिवाळी, जनता मात्र दिवाळखोरीकडे!’

महाराष्ट्रातील राजकारणात सध्या आर्थिक धोरणांवरून तापलेल्या वातावरणात माजी मुख्यमंत्री उद्धव ठाकरे यांनी पुन्हा एकदा सरकारवर जोरदार टीका केली आहे. पत्रकार परिषदेत बोलताना त्यांनी सत्ताधाऱ्यांवर आरोप करताना म्हटलं की –

👉 “कर्ज काढून दिवाळी करण्यासारखा सरकारचा कारभार आहे. फुगेबाजी करून आणि लोकांना आश्वासनांची नुसती आतषबाजी दाखवून सरकार स्वतःच्या अपयशावर पडदा टाकत आहे.”

उद्धव ठाकरे यांच्या या वक्तव्याने राज्याच्या आर्थिक धोरणांवर प्रश्नचिन्ह निर्माण झालं आहे. त्यांनी पुढे म्हटलं की, महागाई, बेरोजगारी, शेतकऱ्यांची बिकट परिस्थिती आणि वाढतं कर्ज या सर्व समस्यांना न सोडवता सरकार फक्त लोकांना दिखावू योजना दाखवत आहे.

विशेष म्हणजे, ठाकरे यांनी हा सवाल उपस्थित केला की – “जनतेच्या पैशावर चालणाऱ्या राज्यकारभाराचा एवढा अवमान करायचा का? कर्जाच्या ओझ्याखाली दबलेल्या महाराष्ट्राला आणखी किती कर्जात लोटणार?”

हे वक्तव्य फक्त सरकारवर टीका नाही, तर लोकांच्या मनातील आर्थिक असुरक्षिततेचं प्रतिबिंब आहे. मराठा आरक्षण, शेतकरी प्रश्न, आणि बेरोजगारी या सर्वांवरून आधीच सत्ताधारी गोंधळलेले असताना उद्धव ठाकरे यांनी आर्थिक व्यवस्थापनावर नेमकी घाव घातली आहे.